Алматы әкімдігінің баспасөз қызметі 2026 жылғы 16 шілдеде қала кеңістігін ретке келтіру жұмыстары басталатынын хабарлады, деп хабарлайды Almaty.news ақпарат агенттігі.
Ең алдымен өзгерістер кешенді абаттандыру жүргізілетін көшелерге әсер етеді, содан кейін олар қаланың басқа аудандарына кезең-кезеңімен таратылады. Тиісті басқармалар мен аудан әкімдіктері бұл бағыттағы жұмысты күшейтуі тиіс.
2026 жылғы 29 мамырда Қазақстанда дизайн-кодты әзірлеу қағидалары бекітілді. Қағидалар мемлекеттік органдар мен меншік нысанына қарамастан ұйымдар арасында елді мекендердің үйлесімді және стильдік біртұтас сәулеттік келбетін қалыптастыру кезінде, оның ішінде абаттандыру элементтерін: ақпараттық және жарнама конструкцияларын, шағын сәулеттік формаларды, стационарлық емес объектілерді, сауда қызметі мен қоғамдық тамақтандыру үшін пайдаланылатын стационарлық емес сауда объектілерін орналастыру, сондай-ақ көгалдандыру, жарықтандыру, қасбеттер мен қоршауларды безендіруді ұйымдастыру кезінде туындайтын қатынастарды реттейді.
Дереккөз: Zakon.kz