АҚШ-тың Алматыдағы Бас консулдығы 2026 жылдың 16 шілдесінде бас консулдың ауысқанын хабарлады, деп хабарлайды Almaty.news ақпарат агенттігі.
Жаңа бас консул Питер Кауфман болды. Ол бұған дейін 2023 жылғы маусымнан 2026 жылғы тамызға дейін АҚШ-тың Беларусьтегі уақытша сенімді өкілі қызметін атқарған. Сондай-ақ 2022 жылдан бастап Вильнюстегі АҚШ елшілігінде Беларусь істері жөніндегі бөлім басшысы болған. Кауфманның мансабында Бакудегі (Әзірбайжан) АҚШ елшілігінде бірінші хатшы қызметі де бар.
Питер Кауфман бұл қызметте 2023 жылғы тамыздан бері жұмыс істеп келген Мишель Еркінді алмастырды.
АҚШ-тың Алматыдағы Бас консулдығы сауда, экономикалық даму, демократия және басқару, гуманитарлық көмек, денсаулықты нығайту және аурулармен күрес, есірткіге қарсы күрес және қоршаған ортаны қорғау сияқты екіжақты және аймақтық мәселелердің кең ауқымы бойынша жұмыс істейді. Консулдық сондай-ақ Қазақстандағы американдық азаматтар мен бизнеске қызмет көрсетеді.
Консулдық қызметкерлері АҚШ жалға алған жер учаскесінде салынатын жаңа ғимаратқа көшуді жоспарлап отыр. Аумағы 70 593 шаршы метр болатын учаске 49 жылға жалға берілген, жалдау ақысы 25,3 миллион долларды құрайды. Жаңа дипломатиялық кешен үшін бөлек бос учаске бөлінген: әл-Фараби даңғылы (оңтүстік) – Сейфуллин даңғылы (батыс) – Алдар Көсе көшесі (солтүстік) – Жамақаев көшесі (шығыс).
Дереккөз: Zakon.kz