Алматыда Саина көшесінің бір учаскесінде асфальт төсеу жұмыстарына байланысты көлік қозғалысы уақытша шектеледі, деп хабарлайды Almaty.news ақпарат агенттігі.
Қала әкімдігінің мәліметінше, жол 17 қазан сағат 07:00-ден 19 қазан сағат 23:00-ге дейін Саина көшесінің шығыс жағында, Рысқұлов даңғылынан Монке би көшесіне дейінгі аралықта, сондай-ақ Шәріпов көшесі бойынша жабылады.
Шектеу асфальт-бетон жабынын төсеу жұмыстарына байланысты енгізіліп отыр. Жөндеу жүргізіліп жатқан учаскеде алдын ала ескерту белгілері қойылады.
Алматы тұрғындарынан өз маршруттарын алдын ала жоспарлауды сұрайды.