Алматы тауында екі әйел турист 4317 метр биіктікте қалып қойды. Олардың соңғы орны күндіз шың маңында тіркелген, деп хабарлайды Almaty.news ақпарат агенттігі.
Іздеу-құтқару операциясына ҚР ТЖМ «Барыс» республикалық жедел-құтқару жасағы мен Алматы қаласы ТЖД Құтқару қызметінің қызметкерлері дереу аттанды. Үлкен Алматы көлі ауданына жеткен құтқарушылар Сатпаев шыңы бағытындағы биік таулы маршрутты тексеруге кірісті.
Іздеу-құтқару жұмыстары барысында туристер Сатпаев шыңы маңындағы кемпингте теңіз деңгейінен 4317 метр биіктікте табылды. Құтқарушылар қыздарды қауіпсіз жерге дейін алып шықты. Операция сәтті аяқталды. Туристерге медициналық көмек қажет болмады.
Дереккөз: Zakon.kz