Алматыда автобус қатысқан жол-көлік оқиғасын тексеру кезінде полицейлер жүргізушінің ресми дерекқорда жоқ куәлігін анықтады, деп хабарлайды Almaty.news ақпарат агенттігі.
Қалалық полиция департаментінің Instagram парақшасында жарияланған мәліметке сәйкес, қоғамдық көлік жүргізушісі жолаушыларды күмәнді куәлікпен тасымалдаған. Күдікті құжат автобус апатынан кейін анықталған.
«Апат Алатау ауданында болды. Жүргізушінің құжаттарын тексеру барысында куәліктің қолдан жасалған белгілері бар екені және тиісті ақпараттық базада жоқ екені белгілі болды», — делінген хабарламада.
Жүргізуші құжаттарымен бірге одан әрі тексеру үшін полиция басқармасына жеткізілді. Қазіргі уақытта құқық қорғау органдары жалған болуы мүмкін жүргізуші куәлігін пайдалану мән-жайын анықтап жатыр.
