Наурызбай ауданында көшелер мен қоғамдық кеңістіктерді көгалдандыру жұмыстары жалғасуда. Маусым басынан бері Eco Almaty қызметкерлерімен бірлесіп, жалпы ауданы 7 мың шаршы метрге 252 мың бірлік гүл көшеті отырғызылды, деп хабарлайды аудан әкімдігіне сілтеме жасап Almaty.news ақпарат агенттігі.
Гүлді безендіру Шұғыла шағын ауданында, «Алатау» санаторийі маңында, Сәбденов көшесі мен Абай даңғылында пайда болды.
Сонымен қатар, Абай және Алатау даңғылдарында, сондай-ақ Әшімов, Шаляпин, Қонаев және Рысқұлов көшелерінде 1950 тік көгалдандыру элементі орнатылды.
«Халық қатысатын бюджет» аясында «Алматының гүлді жұмағы» саябағының құрылысы жалғасуда. Нысанда жер жұмыстары жүргізілді, ағаштар отырғызылды, су құбыры тартылды, сыртқы жарықтандыру желілеріне учаскелер дайындалды. Абаттандыру үшін шамамен 5 мың шаршы метр брусчатка сатып алынып, жиек тастарын орнату жүргізілуде.
Осы бағдарлама бойынша Әшімов көшесінде көгалдандыру және автоматты суару жүйесін орнату, жаяу жүргіншілер аймақтарын абаттандыру, көшелерді жарықтандыру және жөндеу жобалары іске асырылуда, деп хабарлады Наурызбай ауданы әкімдігі.
Дереккөз: Almaty.tv