Ұлттық қауіпсіздік комитеті Алматы әуежайы арқылы Қазақстанға есірткі заттарын ерекше ірі мөлшерде әкелу әрекеті туралы хабарлады, деп хабарлайды Almaty.news ақпарат агенттігі.
ҰҚК мәліметінше, шекарашылар Алматы әуежайында есірткі заттарын ерекше ірі мөлшерде елге әкелудің үш әрекетін тоқтатты. Бұл Оңтүстік-Шығыс Азия елдерінен келген рейстерге қатысты.
«Осылайша, шетел азаматтарының багажын тексеру кезінде косметикалық өнім ретінде жасырылған ыдыстарда марихуана, каннабис шайыры және гашиш майы табылды. Сараптама қорытындысы бойынша, тәркіленген есірткінің жалпы салмағы 32 кг-нан асты», — деп мәлімдеді комитетте.
Аталған фактілер бойынша материалдар процестік шешім қабылдау үшін тергеу органдарына жіберілді.