Алматыда орташа жөндеу жұмыстарына байланысты Жетісу көшесінің бір учаскесінде қозғалыс уақытша шектеледі, деп хабарлайды Almaty.news ақпарат агенттігі.
Шектеу 9 маусым сағат 7:00-ден 10 маусым сағат 7:00-ге дейін күшінде болады. Осы кезеңде Мақатаев көшесінен №49 үйге дейінгі аралықта автокөлік қозғалысы толығымен жабылады.
Жұмыс жүргізілетін орынға ескерту жол белгілері, сондай-ақ жауапты мердігердің байланыс ақпараты бар стендтер орнатылады.
Қала тұрғындары мен қонақтарынан маршруттарын алдын ала жоспарлап, қозғалысты ұйымдастырудағы уақытша өзгерістерді ескеру сұралады.
Дереккөз: Inalmaty.kz