Алматыдағы «Рубеж» стационарлық бекеттерінің бірінде полиция қызметкерлері Mercedes маркалы көлікті тоқтатты. Көлікті тексеру барысында багаж бөлімінен сыртқы түрі қару мен арнайы құралдарға ұқсас заттар анықталды, деп хабарлайды Almaty.news ақпарат агенттігі.
Алматыдағы «Рубеж» стационарлық бекеттерінің бірінде полиция қызметкерлері 45 жастағы ер адам басқарған көлікті тоқтатты. Көлік құралын тексеру кезінде багаж бөлімінен қару мен арнайы құралдарға құрылымдық жағынан ұқсас заттар табылып, алынды.
Осы факті бойынша қылмыстық іс қозғалды. Алынған заттардың шығу тегі мен мақсатын анықтау үшін сот-баллистикалық сараптама тағайындалды.
Қазіргі уақытта жедел уәкілдер қажетті тергеу әрекеттерін жүргізіп, оқиғаның барлық мән-жайын анықтауда.
Дереккөз: Inalmaty.kz