«Қазгидромет» РМК мамандары Алматы қаласы мен облысында 23-29 мамыр аралығында қандай метеожағдай болатынын айтты. Гидрометцентр мәліметінше, алдағы күндері қалада салқын әрі жаңбырлы ауа райы сақталады, бірақ одан кейін қайтадан жазғы жылылық орнайды, деп хабарлайды Almaty.news ақпарат агенттігі.
«Қазгидромет» РМК Алматы және Алматы облысы бойынша филиалының жетекші инженер-синоптигі Гүлтансық Медеуованың айтуынша, бүгін және алдағы түнде қалада атмосфералық фронттардың өтуіне байланысты жаңбыр, кей жерлерде қатты жаңбыр күтіледі.
Алайда 24 мамырдан бастап ауа райы біртіндеп жақсара бастайды. Жауын-шашын тоқтап, айнымалы бұлттылық сақталады, ал ауа температурасы көтеріле бастайды.
24 мамырда күндіз +20+22°C, ал 25-26 мамырда Алматыда қолайлы жылы ауа райы орнап, күндізгі температура +23+25 градус болады. Осыған қарамастан, температуралық фон жазғы жылылық деңгейінде сақталады – күндіз +27°C-қа дейін.
Апта соңына қарай Алматыда ауа райы тұрақталып, 29 мамырда жауын-шашын тоқтап, айнымалы бұлттылық орнайды, ауа +28+30°C-қа дейін жылиды. Синоптиктердің сөзінше, мұндай ауа райы қала тұрғындарына нағыз жазғы көңіл-күй сыйлайды.
23 мамыр: айнымалы бұлттылық, түнде жаңбыр, кей уақытта қатты жаңбыр, найзағай. Жел солтүстік-шығыстан 5-10 м/с. Ауа температурасы түнде +8+10°C, күндіз +16+18°C.
24 мамыр: айнымалы бұлттылық, жауын-шашынсыз. Жел солтүстік-шығыстан 3-8 м/с. Ауа температурасы түнде +8+10°C, күндіз +20+22°C.
25 мамыр: айнымалы бұлттылық, жауын-шашынсыз. Жел солтүстік-шығыстан 3-8 м/с. Ауа температурасы түнде +10+12°C, күндіз +21+23°C.
26 мамыр: айнымалы бұлттылық, жауын-шашынсыз. Жел шығыстан 3-8 м/с. Ауа температурасы түнде +13+15°C, күндіз +23+25°C.
27 мамыр: айнымалы бұлттылық, күндіз қысқа мерзімді жаңбыр, найзағай. Жел шығыстан, оңтүстік-шығыстан 3-8, күндіз екпіні 15 м/с. Ауа температурасы түнде +15+17°C, күндіз +25+27°C.
28 мамыр: айнымалы бұлттылық, қысқа мерзімді жаңбыр, найзағай. Жел оңтүстік-батыстан 3-8, кей уақытта екпіні 15-18 м/с. Ауа температурасы түнде +15+17°C, күндіз +24+26°C.
29 мамыр: айнымалы бұлттылық, жауын-шашынсыз. Жел батыстан 3-8 м/с. Ауа температурасы түнде +15+17°C, күндіз +28+30°C.
Бұған дейін «Қазгидромет» солтүстік және шығыс облыстарда -2-4°C аяз күтілетінін хабарлаған. Елдің басқа бөлігінде негізінен құрғақ, жауын-шашынсыз ауа райы болжанады.
Дереккөз: Zakon.kz