Әлеуметтік желіде тараған видеода Алматыдағы Шығыс айналма автомобиль жолымен (ВОАД) көліктер колоннасы жоғары жылдамдықпен қозғалып, жол қозғалысы ережелерін әдейі бұзғаны көрінеді. Кейбір жолаушылар қозғалыстағы көліктердің терезелері мен люктерінен белге дейін шығып, өздеріне және басқа жол қозғалысына қатысушыларға қауіп төндірген, деп хабарлайды Almaty.news ақпарат агенттігі.
Жарияланымды Zhanna Nurtiless (@nurtiless) парақшасына салған. Желі қолданушылары видеоны көрген соң құқық қорғау органдарын бұзушыларды анықтауға шақырған.
Қалалық полиция департаментінің баспасөз қызметі тілшінің сауалына орай барлық қатысушылардың жеке басы анықталғанын хабарлады. Әкімшілік жауапкершілікке төрт жүргізуші мен бір жолаушы тартылды.
Сондай-ақ, барлық қатысушылармен мұндай бұзушылықтарға жол бермеу және ЖҚЕ-ні қатаң сақтау қажеттігі туралы профилактикалық әңгімелер жүргізілгені айтылды. Бұған дейін Алматы полициясы автохулигандарға қарсы күрес жариялағаны хабарланған.
Дереккөз: Zakon.kz