Алматыда Сейфуллин даңғылымен оңтүстікке қарай келе жатқан Kia Seltos жүргізушісі бағдаршамның тыйым салатын сигналына қарамастан қиылысқа шығып кеткен. Бұл кезде Абай даңғылымен шығысқа қарай рұқсат етілген жасыл бағдаршаммен BYD таксиі мен Toyota Camry келе жатқан, деп хабарлайды Almaty.news ақпарат агенттігі.
Салдарынан Kia Seltos екі көлікпен кезектесіп соқтығысып, басқаруды жоғалтып, жолдан шығып кетіп, аударылып, төбесімен қалған. Апаттан кейін жанынан өтіп бара жатқан жүргізушілер Kia жүргізушісіне салоннан шығуға көмектескен. Капоттан түтін шыққанын байқаған куәгерлер оны ашып, аккумуляторды ажыратып, көлікті токсыздандырып, ықтимал өрттің алдын алған.
Оқиға орнына келген дәрігерлер Kia жүргізушісіне алғашқы көмек көрсеткен. Жарақат алғанына қарамастан, ол ауруханаға жатқызудан бас тартқан. Алдын ала мәлімет бойынша, апат салдарынан тек Kia Seltos жүргізушісі зардап шеккен.
Оқиғаның мән-жайы мен себептері анықталып жатыр.
Дереккөз: Zakon.kz