Алматыда отбасылық жанжал адам өлімімен аяқталды. Полиция мәліметінше, түнгі сағат үш шамасында «102» пультіне Алмалы ауданындағы Брусиловский көшесіндегі пәтерлердің бірінде пышақтау болғаны туралы хабарлама түскен, деп хабарлайды Almaty.news ақпарат агенттігі.
Оқиға орнына полиция қызметкерлері мен жедел жәрдем бригадасы келді. Дәрігерлердің күш-жігеріне қарамастан, 59 жастағы ер адам көптеген пышақ жарақаты мен қан жоғалтудан қайтыс болды.
Ізін суытпай полицейлер күдіктіні ұстады. Ол қайтыс болған адамның 34 жастағы өгей ұлы болып шықты.
«Алдын ала ақпарат бойынша, отбасылық жанжал кезінде ер адам өгей әкесін ас үй пышағымен бірнеше рет ұрған. Ұсталған адамның айтуынша, жанжалдың себебі оның анасына қатысты келіспеушіліктер болуы мүмкін. Болған оқиғаның барлық мән-жайы тергеу барысында анықталады», — деп атап өтті полицияда.
Тұрмыстық кісі өлтіру фактісі бойынша қылмыстық іс қозғалды. Күдікті уақытша ұстау изоляторына орналастырылды, тергеу шаралары кешені жүргізілуде.
Дереккөз: Inalmaty.kz