Алматы полициясы басқа көлікті қуып, оған қаруға ұқсайтын затты бағыттаған жүргізушіні анықтады, деп хабарлайды Almaty.news ақпарат агенттігі.
Бұл туралы әлеуметтік желілерде рульде отырған әйел айтып берді. Оның сөзінше, жүргізуші оны бірнеше квартал бойы қуған.
— Мені Достық көшесінен Әл-Фараби көшесіне дейін қуып келді. Одан әрі мен тұраққа кірдім, онда сол көліктің жүргізушісі жолымды бөгеп, маған қару (шынайы ма, жоқ па, білмеймін) кезенді. Оның ойында не болғанын білмеймін, — деп жазды ол.
Бұл жарияланымға Алматы полиция департаменті жауап берді.
— Әлеуметтік желілерді мониторингілеу барысында белгісіз адамның қаруға ұқсайтын затты көрсетіп тұрған бейнежазба анықталды. Медеу ауданы полиция басқармасының қызметкерлері күдіктіні анықтап, ұстап, полицияға жеткізді, — деп хабарлады полицияда.
Анықталғандай, ол көрсеткен зат ойыншық тапанша болып шықты.
Құқық бұзушыға қатысты ұсақ бұзақылық фактісі бойынша әкімшілік іс қозғалып, материалдар сотқа жіберілді. Сонымен қатар, оған жол жүру ережесін бұзғаны үшін әкімшілік хаттамалар толтырылды.
— Қоғамдық орындарда қаруға ұқсайтын заттарды көрсету — тіпті олар ойыншық болса да — жол берілмейді. Мұндай әрекеттер азаматтар арасында дүрбелең тудыруы мүмкін және дереу әрекет етуді талап етеді, — деп атап өтті Алматы полициясында.
Еске салайық, өткен аптада Алматыда жол конфликтісі нокаутпен және ұстаумен аяқталған болатын.