8 шілдеден бастап Алматының Алатау ауданында Немирович-Данченко көшесінде қозғалысқа уақытша шектеу енгізіледі, деп хабарлайды Almaty.news ақпарат агенттігі.
«Алматы жылу желілері» ЖШС мамандары 1988 жылдан бері пайдаланылып келе жатқан шамамен 483 метр құбырды ауыстырады. Жөндеу жұмыстары кезінде Немирович-Данченко көшесінің батыс жағында, Рысқұлов даңғылынан Райымбек даңғылына дейінгі учаскеде көлік қозғалысы ішінара шектеледі. Екі бағытта да жүру көшенің шығыс жағымен ұйымдастырылады.
Қайта жаңғырту алдағы жылыту маусымында 14 көппәтерлі және екі жеке тұрғын үй, екі мектеп, сондай-ақ он басқа нысанның жылумен жабдықтау сенімділігін арттыруға мүмкіндік береді.
Компанияда жұмыс кезінде тұтынушыларға ыстық су беру сақталатынын атап өтті.
Жүргізушілерді жол қозғалысын ұйымдастырудағы өзгерістерді алдын ала ескеруге шақырады.
Дереккөз: Inalmaty.kz