Алматыда LRT жобасын іске асыру жалғасуда, бірінші желінің құрылысы кезең-кезеңімен жүргізілуде, деп хабарлайды Almaty.news ақпарат агенттігі.
Жол инфрақұрылымын дамыту басқармасы бөлімінің басшысы Айдос Желдікбаевтің айтуынша, қазіргі уақытта ұзындығы 18,3 км учаскеде дайындық жұмыстары жүргізілуде.
— Қазіргі уақытта Алматыда LRT бірінші желісінің құрылысы бойынша дайындық жұмыстары жалғасуда. Осы учаскеде ұзындығы 18,3 км болатын дайындық жұмыстары жүргізілуде, атап айтқанда, инженерлік коммуникацияларды — су құбырын, кәрізді, слаботочты және жоғары вольтті желілерді шығару, қайта құру және қорғау, сондай-ақ газ құбырын қайта құру жұмыстары жүргізілуде, — деді Айдос Желдікбаев.
Сонымен қатар, мамандар көпір құрылыстары мен жерасты жаяу жүргіншілер өткелдерін нығайту бойынша жұмыстарды жүргізуде.
Жоба аяқталғаннан кейін жаңа желі қалалық көлік жүйесінің маңызды бөлігіне айналып, жүріп-тұруға ыңғайлылықты арттырып, көше-жол желісіне түсетін жүктемені азайтуға көмектеседі деп күтілуде.
Бұған дейін LRT бірінші желісінің құрылысы аясында Төле би көшесінде бұрынғы трамвай желісінің контактілі желі тіректерін бөлшектеу басталғаны хабарланған болатын — Момышұлы көшесінен Жароков көшесіне дейінгі учаскеде шығыс бағытта.
Сондай-ақ Алматыдағы жеңіл рельсті көлік (LRT) бірінші желісінің құрылысымен айналысатын компания анықталды.
Еске салайық, Алматыдағы LRT депосы Алатау ауданында Фариза Оңғарсынова, Мөңке би және Бауыржан Момышұлы көшелерінің аралығында орналасады. Депоға жеңіл рельсті көлік желісі Момышұлы көшесімен оңтүстік бағытта Төле би көшесіне дейін, содан кейін Төле би бойымен шығысқа қарай Абылай хан даңғылына дейін өтеді. Әрі қарай бағыт солтүстікке бұрылып, Абылай хан даңғылымен Алматы-2 теміржол вокзалына дейін жалғасады.
Дереккөз: Inform.kz