Алматы қаласы полиция департаментінің мәліметінше, 32 жастағы ер адам ақшалай сыйақы үшін қазақстандықтардың нақты ЖСН мен куәлік нөмірлерін пайдаланып, бірақ суреттері мен дербес деректерін ауыстырып құжаттар дайындаған, деп хабарлайды Almaty.news ақпарат агенттігі.
Мұндай ауыстыру тапсырыс берушілерге жеткізу және жолаушылар тасымалы сервистерінде тіркелуге мүмкіндік беріп, шын мәнінде өз тұлғасын жасыруға жол ашқан.
Алдын ала деректер бойынша, негізгі клиенттер Орталық және Оңтүстік Азия елдерінен келгендер болған. Жалған құжаттар негізінен курьер және жүргізуші ретінде жұмысқа орналасу үшін пайдаланылған.
Полиция оның әрекеттеріне заңсыз көші-қонды ұйымдастыру тұрғысынан қосымша құқықтық баға беру мәселесін қарастырып жатыр.
Сонымен қатар қазақстандықтардың тұрақты тұруға шетелге шығуына құжаттар рәсімдеу ережелері өзгергені белгілі болды. 2026 жылғы 30 қазанда ішкі істер министрінің бұйрығымен тиісті өзгерістер енгізілген.