Алматы әкімі Дархан Сатыбалды қалада отырғызу материалының тұрақты жеке питомнигін құру жобасы жүргізіліп жатқанын мәлімдеді, деп хабарлайды Almaty.news ақпарат агенттігі.
Оның айтуынша, оңтүстік астана елдегі ең ірі жасыл қорлардың біріне ие, сондықтан көгалдандыру жүйесін одан әрі дамыту кешенді және жүйелі тәсілді қажет етеді. Қазіргі уақытта ағаштардың, бұталардың және гүлдердің едәуір бөлігі шетелден сатып алынады, бұл шығындарды арттырып, сыртқы жеткізуге тәуелділік тудырады.
«Жеке питомник құру қаланы өз өндірісінің отырғызу материалымен қамтамасыз етуге, көгалдандыру жұмыстарын тұрақты әрі тиімді етуге, сондай-ақ шығындарды азайтуға мүмкіндік береді», — деп жазды қала басшысы.
Әкім профильді басқармаларға жобаның ұйымдастырушылық, қаржылық және жер мәселелерін егжей-тегжейлі пысықтауды, питомникті орналастыру үшін оңтайлы алаңды анықтауды және нақты ұсыныстарды ұсынуды тапсырды.
Дархан Сатыбалды атап өткендей, жеке питомник құру Алматының жасыл қаңқасын нығайтуға және қолайлы қалалық ортаны қалыптастыруға маңызды қадам болады.
Дереккөз: Almaty.tv