Қазақстандық теннисші Тимофей Скатов Алматыдағы ATP 250 хард турниріндегі өнер көрсетуін аяқтады, деп хабарлайды Almaty.news ақпарат агенттігі.
Әлемдік рейтингте 201-орында тұрған спортшы негізгі сеткеге ұйымдастырушылардың арнайы шақыртуымен (wild card) қатысты. Бірінші айналымда оның қарсыласы әлемнің 64-ракеткасы, венгриялық Фабиан Марожан болды.
Кездесу екі сетке созылды, екіншісі тай-брейкте шешілді. Марожан 7:5, 7:6 (7:4) есебімен жеңіске жетті.
Теннисшілер кортта 2 сағат 5 минут өткізді. Осы уақыт ішінде Скатов бес эйс жасап, сонша қосарланған қате жіберді және жалғыз брейк-пойнтын пайдаланды.
Марожан екінші айналымға шығып, Қазақстанның бірінші ракеткасы Александр Бубликпен кездеседі. Бұл матч 22 қазанда өтеді.