Алматының Алатау ауданында KIA маркалы көлік толығымен өртеніп кетті, деп хабарлайды Almaty.news ақпарат агенттігі.
Әлеуметтік желілерде өрттің бейнежазбалары тарады. Тілшінің хабарлауынша, өрт кезінде ешкім зардап шекпеді.
Алматы қаласы Төтенше жағдайлар департаментінің мәліметінше, 14 қыркүйек күні сағат 08:38-де өрт сөндіру бөлімшелері Алатау ауданындағы Фадеев көшесінде, №5 үй маңындағы өрт туралы хабарлама бойынша жіберілді.
«Оқиға орнына келгеннен кейін 6 минут ішінде KIA маркалы көліктің 4 шаршы метр алаңда ашық жалынмен жанғаны анықталды. Жедел қабылданған шаралардың арқасында өрт 08:49-да сөндірілді. Зардап шеккендер жоқ», — деді ведомствода.
Өртті сөндіруге жеке құрамның тоғыз қызметкері мен екі техника бірлігі жұмылдырылды.
KIA көлігінің өртенген бейнежазбасын kris_p_almaty_kz Telegram-арнасы жариялады.