Алматының Түрксіб ауданында балық аулаған жергілікті тұрғын судан оқ дәрісі бар сөмке шығарып алды, деп хабарлайды Almaty.news ақпарат агенттігі.
Оқиға «Маяк» шағын ауданындағы Әуежай көлінде болған. Алматы полиция департаментінің мәліметінше, ер адам балық аулап жүріп, судан сөмкені тартып шығарған.
Оқиға орнына Түрксіб ауданы полиция басқармасының жедел-тергеу тобы дереу келді. Тәртіп сақшылары оқ-дәрілерді тәркіледі.
«Оқиға орнына Түрксіб ауданы полиция басқармасының жедел-тергеу тобы дереу келді. Оқ-дәрілер тәркіленді», — деді полицияда.
Қазір баллистикалық сараптама тағайындалды. Мамандар табылған оқ-дәрілердің шығу тегі мен тиесілілігін анықтайды.
Аталған факті бойынша қылмыстық іс қозғалып, тергеу жүргізілуде.