Алматыда жол жөндеу жұмыстарына байланысты төрт учаскеде көлік қозғалысына уақытша шектеу қойылады, деп хабарлайды Almaty.news ақпарат агенттігі.
Шектеулер 2 қазан күні кешке басталып, 4 қазанға дейін жалғасады. Кейбір көшелерде қозғалыс толығымен жабылады.
Момышұлы көшесі — Рысқұлов даңғылынан оңтүстікке қарай: 2 қазан сағат 22:00-ден 3 қазан сағат 09:00-ге дейін қозғалыс шектеледі.
Алатау даңғылы — Төле би көшесімен қиылысы: 3 және 4 қазан күндері сағат 08:00-ден 18:00-ге дейін қозғалыс ішінара шектеледі. Жұмыс аймағында реверсивті қозғалыс ұйымдастырылады.
Төле би көшесі — Сейфуллин даңғылынан Желтоқсан көшесіне дейін: 3 қазан сағат 09:00-ден 4 қазан сағат 09:00-ге дейін қозғалыс толығымен жабылады.
Абылай хан даңғылы — Мақатаев көшесінен Мәметова көшесіне дейін: 3 қазан сағат 08:00-ден 4 қазан сағат 20:00-ге дейін қозғалыс толығымен жабылады.
«Учаскелерде алдын ала ескерту жол белгілері орнатылады. Маршрутты алдын ала жоспарлауды сұраймыз», — делінген хабарламада.
Бұған дейін Алматыда Байсеитова көшесінің бір учаскесінде бірнеше күнге қозғалыс шектелетіні хабарланған болатын.