Алматыда өрт сөндіру автокөлігі Toyota Camry-мен соқтығысып, жеңіл көлікті ондаған метрге сүйреп апарды, салонда қамалып қалған жүргізуші оқиға орнында көз жұмды, деп хабарлайды Almaty.news ақпарат агенттігі.
Өрт сөндіру көлігі Тимирязев көшесімен шығыс бағытта келе жатқан, ал Toyota Camry сол уақытта Атакент жағынан Әуезов көшесімен төмен қарай түсіп бара жатқан.
Куәгерлердің айтуынша, Toyota жүргізушісі жасыл сигналға өткен. Сол сәтте шақыртуға бара жатқан өрт сөндіру көлігі айқасқа ұшып кіріп, болжам бойынша қызыл сигналға өтіп, жеңіл көлікке соғылған.
Соққыдан Toyota Camry арнайы техниканың астында қалды. Өрт сөндіру көлігі жеңіл автокөлікті астына салып, ондаған метрге сүйреп апарды.
Содан кейін екі көлік те жүріс бөлігінен шығып, алдымен бағдаршам діңгегіне соғылды, кейін арыққа ұшырады.
Куәгерлердің сөзіне қарағанда, өрт сөндіру көлігі жол жарықтандыру діңгегіне соғылғаннан кейін ғана тоқтады, ал Toyota арықтан асып, гүлзарға құлады.
Апат кезінде жеңіл көлікте тек жүргізуші болған, ол салонда қысылып қалды.
Құтқарушылар жүргізушіні алып шықты, алайда ол оқиға орнында қайтыс болды.
Сонымен қатар жол-көлік оқиғасы салдарынан екі өрт сөндіруші зардап шеккені хабарланады. Олар ауруханаға жатқызылды, оқиғаның қалған қатысушылары оқиға орнында тексерілді.
Жедел қызмет көлігі қатысқан тағы бір апат Ақтауда болды. Шұғыл шақыртуға барған жедел жәрдем көлігі басқа жүргізуші жол бермегеннен кейін жол-көлік оқиғасына тап болды.
