Алматыда 15-18 қыркүйек аралығында жоспарлы техникалық жұмыстарға байланысты бірнеше ауданда электр жарығы уақытша өшеді, деп хабарлайды Almaty.news ақпарат агенттігі.
«Алатау Жарық Компаниясы» АҚ мәліметінше, өшірулер негізінен таңғы 08:00-ден кешкі 17:00-ге дейін созылады. Жұмыстар қаланың бірнеше ауданында жүргізіледі.
15 қыркүйекте жоспарлы жұмыстар Зенков, Қалдаяқов, Құрманғазы, Абылай хан, Шевченко, Желтоқсан, Абай, Жамбыл, Мәуленов, Қабанбай батыр, Сейфуллин, Әйтеке би, Гоголь, Мирзоян, Исаев және басқа да көшелердің жекелеген учаскелерінде өтеді. Розыбакиев – Лисянский – Қожабеков – Радостовец көшелерінің квадратында. Науаи көшесінде, сондай-ақ Медеу ауданындағы Байтасов, Қармыс, Луганский, Бегалин, Бөгенбай батыр және өзге де көшелерде.
16 қыркүйекте күрделі жөндеуге байланысты өшірулер Шевченко, Мұқанов, Жамбыл, Байзақов көшелерінде, ал мердігерлік жөндеу Төле би, Волховской, Исаев және Қазыбек би, Нұрмақов көшелерінде жоспарланған. Сонымен қатар Түркістан, Айгерим-1, Шаңырақ-1, Ақжар, Қарағайлы, Томирис және басқа да шағын аудандарда.
17 қыркүйекте жұмыстар Көк-Қайнар, Шаңырақ-1, Тастыбұлақ, Ақжар, Қарағайлы, Думан шағын аудандарында, сондай-ақ Сүйінбай, Уссурийский, Абай, Сәтбаев, Мыңбаев және басқа да көшелерде жоспарланған.
18 қыркүйекте уақытша өшірулер Айгерим-1, Қалқаман-2, Қарағайлы, Құрамыс, Көлсай шағын аудандарына, сондай-ақ Достық, Абай, Сүйінбай даңғылдарының жекелеген учаскелері мен Науаи, Уәлиханов, Кунаев, Қабанбай батыр және басқа да көшелерге таралады.
«Алатау Жарық Компаниясы» компаниясының өкілі тілшіге бұл іс-шаралар электрмен жабдықтау сенімділігі мен сапасын арттыруға, сондай-ақ ықтимал апаттық жағдайлардың алдын алуға бағытталған жүйелі бағдарламаның бөлігі екенін нақтылады.
Жоспарлы іс-шаралар аясында мыналар жүргізіледі:
- электр желілерінің элементтерін тазалау және ішінара ауыстыру;
- электр беру желілеріне зақым келтіруі мүмкін ағаштар мен бұталардың бұтақтарын кесу;
- жабдықтың қалыпты жұмысына кедергі келтіретін ақауларды жою.
Сонымен қатар ұйымда өшіру ұзақтығы жүргізілетін іс-шаралардың көлемі мен күрделілігіне байланысты екенін түсіндірді.
Резервтік қуат көзіне ауысу мүмкіндігі болмаған жағдайда электр энергиясының қысқа мерзімді өшірулері мүмкін.
«Алатау Жарық Компаниясы» тұрғындардың түсіністігі мен қолдауына үміт білдірді.
Бұған дейін «Алматыжылукоммунэнерго» ЖШС бас инженерінің орынбасары Жақсылық Талдыбаев жаппай жарық өшкен жағдайда Алматыда жылу беру қалай болатынын айтқан болатын.