Алматы қаласының полиция департаменті қаладағы мейрамханалардың бірінде қоғамдық тәртіпті бұзған Алматы облысы аудандық прокуратурасының қызметкеріне қатысты тексеру жүргізіп жатыр, деп хабарлайды Almaty.news ақпарат агенттігі.
2026 жылғы 15 қыркүйекте әлеуметтік желілерде Алматы облысы Еңбекшіқазақ ауданының аға прокурорының Алматыдағы ойын-сауық мекемелерінің бірінде қоғамдық тәртіпті бұзғаны үшін ұсталғаны туралы ақпарат тарады.
Әлеуметтік желілердегі хабарламаларға сәйкес, 2026 жылғы 5 қыркүйекте Еңбекшіқазақ ауданының аға прокуроры алкогольдік масаң күйде мекемелердің бірінде жанжал шығарып, полиция қызметкерлеріне бағынбаған, содан кейін полиция басқармасына жеткізілген. Жарияланымдарда оған қатысты процестік шаралар қолданылмағаны және прокурордың босатылғаны да айтылады.
Ахуалды Алматы қаласының полиция департаменті ресми түрде түсіндірді.
Онда қаладағы мекемелердің біріндегі жанжалды жағдай туралы дабыл жедел кезекші пультіне шынымен түскені расталды.
— Оқиғаға қатысушылар Алмалы ауданының полиция басқармасына жеткізілді. Осы факті бойынша тексеру жүргізіліп жатыр, оның нәтижелері бойынша тиісті шешім қабылданады, — деді Алматы ПД баспасөз қызметінде.
Еске салайық, Алматыда аудандық полиция басқармаларының бірінің ғимаратында жарылғыш құрылғы орнатылғаны туралы хабарлаған 56 жастағы ер адам ұсталған болатын.