Әлеуметтік желіде Алматыдағы Әл-Фараби даңғылында мотоциклистің рұқсатсыз жарыс ұйымдастырғаны туралы видео тарады, деп хабарлайды Almaty.news ақпарат агенттігі.
Instagram-аккаунт Kris.p.original жариялаған видеода куәгерлер жолдағы қауіпті мінез-құлықты түсірген. Кадрларда мотоциклист пен жеңіл көлік жүргізушісі қала ағынында рұқсатсыз жарыс өткізіп, күрт үдеу мен маневрлер жасап, басқа жүргізушілер үшін апаттық жағдай туғызғаны көрсетілген.
Видео сипаттамасында: «Мотоциклист пен жеңіл көлік жүргізушісі қала ағынында рұқсатсыз жарыс өткізді. Қозғалысқа қатысушылар күрт үдеу мен маневрлер жасап, басқа жүргізушілер үшін апаттық жағдай туғызды. Оқиға мотоцикл камерасына түсіріліп, әлеуметтік желіде тарады. Пайдаланушылар жүргізушілердің жеке басын анықтап, тексеру жүргізуге шақырады», — делінген.
Алматы полиция департаменті бұл факті бойынша бұзушының Қазақстан Республикасының заңнамасына сәйкес жауапкершілікке тартылғанын хабарлады. Полицияда: «Бұдан былай мұндай әрекеттерге жол бермеу туралы түсіндірме әңгіме жүргізілді», — деп толықтырды.
Дереккөз: Nur.kz