«Казгидромет» республикалық мемлекеттік кәсіпорны Алматы, Астана және тағы төрт қала тұрғындарына қолайсыз метеорологиялық жағдайларға байланысты ескерту жасады, деп хабарлайды Almaty.news ақпарат агенттігі.
Бұл туралы «Казгидромет» РМК сайтында жарияланған ескертуде айтылған. Қолайсыз метеорологиялық жағдайлар (ҚМЖ) – бұл қысқа мерзімді метеорологиялық факторлардың (тымық, әлсіз жел, тұман, инверсия) жиынтығы, олар атмосфералық ауаның жерге жақын қабатында зиянды (ластаушы) заттардың жиналуына ықпал етеді.
ҚМЖ кезінде қала тұрғындарына ашық ауада, әсіресе автокөлік жолдарының немесе ластанудың басқа көздерінің жанында болу уақытын қысқарту ұсынылады. Ал өкпенің созылмалы ауруларымен, жүрек-қан тамырлары және аллергиялық аурулармен ауыратын адамдарға ашық ауада жүргенде қажетті дәрі-дәрмектерін өзімен бірге алып жүру керек.
2026 жылғы 20 тамызда қолайсыз метеорологиялық жағдайлар күндіз Алматы мен Ақтөбеде, ал түнде Атырау мен Жезқазғанда болжамдалған.