Қазақстандық әнші, «Алматының түндері-ай» хитының орындаушысы Кайрат Нұртас жанкүйерлерін қуантты — ол Алматыда үлкен концерт береді, деп хабарлайды Almaty.news ақпарат агенттігі.
Бұған дейін Кайрат Нұртас Астанада жеке концерт беруді жоспарлап отырғанын мәлімдеген еді. 27 қыркүйекте ол Astana Arena стадионында өнер көрсетеді. Енді әнші тағы бір жақсы жаңалық айтты — ол Алматыда да өнер көрсетеді.
Шоу 4 қазанда Орталық стадионда өтеді. Айта кетейік, өткен жылы Кайрат Нұртас Алматыдағы стадионды толтырған болатын.
«Мен мерейтойлық концертті Алматыда да өткізуге шешім қабылдадым. Себебі бұл басқа шоу, ерекше сахна, жаңа бағдарлама. Бұл шоуды алматылықтар да көруі керек. Мұны жай концерт деп атауға болмайды, өйткені бұл сіздермен өткізген 20 жыл. Бұл естеліктер, хиттер, ерекше сәттер», — деді ол.
Жанкүйерлер жаңалыққа бірден жауап берді: «Шоуға ескі хиттерді қосыңыздаршы», «Нюша келе ме?», «Қарағандыда да өткізіңіздер», «Мәскеуде де концерт өткізіңіз», «Аңыз».