Алматыда туристік инфрақұрылымды жаңғырту жұмыстары жалғасуда. Қалалық Туризм басқармасының басшысы Галия Төксеитова Өңірлік коммуникациялар алаңында бұл туралы айтып берді, деп хабарлайды Almaty.news ақпарат агенттігі.
Қазіргі уақытта мегаполисте туристер көп баратын жерлерде 8 визит-орталық жұмыс істейді: Омарова, Панфилов, Зенков, Байтұрсынов, Тимирязев көшелерінде, Достық даңғылында, сондай-ақ «Медеу» биік таулы спорт кешенінің аумағында. Мұнда туристер қаланың көрікті жерлері, экскурсиялық бағыттар, мәдени іс-шаралар және туристік өнімдер туралы ақпарат ала алады.
2026 жылдың алғашқы 5 айында визит-орталықтардың қызметін 3 604 адам пайдаланды, оның 80%-ға жуығы шетелдік туристер — 2 813 шетелдік қонақ кеңес алды, тағы 791 адам ішкі туристер болды.
«Біз визит-орталықтарды заманауи және туристер үшін ыңғайлы етуге мүмкіндік беретін модельді пысықтап жатырмыз. Негізге үздік әлемдік тәжірибелер алынды», — деп атап өтті Галия Төксеитова.
Басқармада туристік инфрақұрылымды дамыту тек ақпараттық қызметтермен шектелмейтінін атап өтті. Қатарда әуе қатынасын кеңейту, қонақ үй желісін дамыту, тау инфрақұрылымын абаттандыру және жаңа туристік нысандар құру бойынша жұмыс жүргізілуде. Осы жобаларды кешенді іске асыру Алматының халықаралық туристік нарықтағы бәсекеге қабілеттілігін арттыруға, туристік ағынды ұлғайтуға және қаланың аймақтағы басты туристік орталықтардың бірі ретіндегі позициясын нығайтуға мүмкіндік береді.
Дереккөз: Almaty.tv