Алматыдағы Медеу ауданында орналасқан Шухов атындағы скверде ауқымды жаңарту жұмыстары жүргізілуде. Аудан әкімдігінің баспасөз қызметінің мәліметінше, аумақта 26 мың шаршы метр алаңға көгалдандыру жүргізіліп, жаңа құнарлы топырақ әкелінген, деп хабарлайды Almaty.news ақпарат агенттігі.
Сонымен қатар, скверде ескірген шағын сәулет нысандары, жабындар, балалар, футбол және баскетбол алаңдарының қоршаулары бөлшектелген. Олардың орнына жаңа спорттық, жаттығу және ойын элементтері орнатылуда.
Шухов атындағы сквер – Алматының Медеу ауданында (Татарка тарихи ауданы) орналасқан, ауданы 3,4 гектар болатын қоғамдық демалыс аймағы.
Бұл ретте қала билігі орнаған аномальды ыстықтың салдарын азайту шараларын қабылдауда. Бүгін, 2026 жылғы 16 шілдеде, Алматыда көшелерді суару және ауаны аэрациялау ұйымдастырылды. 16-20 шілде аралығында аномальды ыстық күтіледі: ауа температурасы кей жерлерде +42°С-қа жетеді.
Дереккөз: Zakon.kz