30 маусымнан бастап Алматының Алмалы ауданында Қарасай батыр және Құлымбетов көшелерінің учаскелерінде қозғалыс схемасы өзгереді, деп хабарлайды Almaty.news ақпарат агенттігі қалалық әкімдіктің баспасөз қызметіне сілтеме жасап.
Ведомствоның мәліметінше, пилоттық режимде бір бағытты қозғалыс енгізіледі: Қарасай батыр көшесі бойынша, Розыбакиев көшесінен Варламов көшесіне дейін батыс бағытта; Құлымбетов көшесі бойынша, Варламов көшесінен Розыбакиев көшесіне дейін шығыс бағытта.
Өзгерістер Алматы қаласы Полиция департаментінің әкімшілік полиция басқармасымен бірлесіп енгізіледі. Олар жолдардың өткізу қабілетін арттыруға, көлік жүктемесін азайтуға және жол бөлігіндегі жанжалды жағдайлардың санын азайтуға бағытталған.
Ведомствода атап өткендей, шешім жол жағдайын талдау және тұрғындардың өтініштерін ескере отырып қабылданды. Жаңа схема көлік қозғалысын ретке келтіруге және жолдардағы қауіпсіздікті арттыруға көмектеседі деп күтілуде.
Дереккөз: Inalmaty.kz