Алматыда ұзақ үзілістен кейін Ботаникалық бақтың жылыжайын қайта жаңғырту жұмыстары қайта жанданды, деп хабарлайды Almaty.news ақпарат агенттігі.
Бұл туралы 2026 жылғы 13 қарашада бақ әкімшілігі мәлімдеді. Құрылыс-монтаж жұмыстары 2026 жылдың қазанында басталған.
Мамандардың айтуынша, тропиктік және субтропиктік өсімдіктердің, соның ішінде пальмалардың бірегей коллекциясын сақтауға ерекше көңіл бөлініп отыр.
«Өсімдіктерді қолайсыз ауа райынан қорғау үшін қысқы кезеңге дайындық жүргізілді: арнайы қорғаныс құрылымдары орнатылып, қыс бойы қажетті температуралық режимді ұстау көзделген», – деп хабарлады бақтың баспасөз қызметі.
1969 жылы салынған жылыжай ғимараты табиғи тозу салдарынан апатты деп танылған. Қайта жаңғырту жұмыстары 2022 жылдың көктемінде басталған, бірақ 2023 жылы бұрынғы мердігердің міндеттемелерін орындамауына байланысты тоқтатылған болатын.