Қалалық ведомствоның мәліметінше, бүгінде жүйелі қала құрылысы шешімдері қабылданып, ауқымды жобаны іске асыру басталды, деп хабарлайды Almaty.news ақпарат агенттігі.
Кластер құрамында көпфункционалды концерт залы, іс-шаралар өткізуге арналған қоғамдық холлдар мен кеңістіктер, креативті индустрия өкілдеріне арналған студиялар мен шеберханалар, қазақстандық дизайнерлердің шоурумдары, заманауи өнер галереясы, қалалық іс-шараларға арналған атриум, сондай-ақ креативті кәсіпкерлерге арналған кеңсе кеңістіктері қарастырылған.
Сонымен қатар, жоба амфитеатры, жазғы сахнасы, саябақ аймағы және балалар ойын инфрақұрылымы бар абаттандырылған аумақты қамтиды, бұл ашық әрі қолжетімді қоғамдық кеңістік қалыптастырады.
Мамандардың айтуынша, бұл нүктелік абаттандыру емес, аумақтың функционалдық рөлін өзгерту болып табылады.
Сонымен қатар, әкімдік қала трамвайдан бас тартпайтынын еске салды. Бірінші ЛРТ (жеңіл рельсті көлік) желісінің құрылысы басталды, яғни заманауи трамвай. Желі Абылай хан даңғылы, Төле би көшесі бойымен батыс бағытта және Момышұлы көшесімен солтүстікке қарай өтеді. Жаңа трамвай депосы Алатау ауданындағы Индустриалды аймақ аумағында салынады.
Дереккөз: Zakon.kz