Синоптиктер Алматы, Астана және Шымкент қалаларында бүгін, 6 тамызда қандай ауа райы болатынын айтты. Болжам OpenWeather порталында жарияланды, деп хабарлайды Almaty.news ақпарат агенттігі.
Алматыда бүгін жаңбыр жауады деп күтілуде. Күндіз ауа температурасы +31 градусқа дейін көтеріледі, ал түнде +18 градусқа дейін төмендейді. Жел жылдамдығы секундына 4,4 метрді құрайды.
Астана тұрғындарына айнымалы бұлттылық болжанып отыр. Күндіз ауа +27 градусқа дейін жылынады, түнде температура +16 градусқа дейін төмендейді. Жел жылдамдығы – секундына 5,9 метр.
Шымкентте бүгін жауын-шашынсыз ашық ауа райы күтіледі. Күндіз термометр бағандары +37 градусқа дейін көтеріледі, түнде +21 градусқа дейін төмендейді. Жел жылдамдығы секундына 9,4 метр болады.
Дереккөз: Nur.kz