Алматыда полиция жанжалдың мән-жайын тергеп жатыр, оның салдарынан бір ер адам жарақат алып, ауруханаға түсті. Әлеуметтік желілерде оқиғаға қазақстандық рэпер Qurt (Дамир Койшубаев) қатысы болуы мүмкін деп хабарланады, деп хабарлайды Almaty.news ақпарат агенттігі.
Әлеуметтік желілерде тараған ақпаратқа сәйкес, оқиға 30 тамыздан 31 тамызға қараған түні қаладағы бір мекеменің жанында болған. Жарияланым авторының тұжырымы бойынша, шешендік өнер курсының онға жуық тыңдаушысы жетекшісімен бірге кешкі уақытты барда жалғастырған.
Зардап шеккен адам өз таныстарымен бірге болған, ал рэпер өз компаниясымен отырған. Бір сәтте келушілер арасында жанжал туындап, кейін ол көшеде жалғасып, төбелеске ұласқан. Жарияланым авторының айтуынша, соның салдарынан ер адам жарақат алып, ауруханаға жатқызылған.
Қалалық полиция департаменті бұл факті бойынша Медеу ауданының полиция басқармасы қылмыстық іс қозғағанын мәлімдеді. Барлық қатысушының жеке басы анықталған.
— Оларды ұстау шаралары қабылданып жатыр. Тергеу жалғасуда. Оның барысы полиция департаменті басшылығының бақылауында, — деп түсіндірді ДП баспасөз қызметі.
Бұған дейін Алматы полициясы басқа рэпер De Lacure-ге қатысты жанжалды оқиғадан кейін тексеру жүргізген болатын.