Алматыда бір әйел қызының өліміне қатысты істің қайта қаралуына қол жеткізді. Ол қызы Верониканың пәтер іздеп жүріп, риелтормен танысып, кездесуге барғанын айтады. Қайғылы кештің мән-жайын анасы тек ер адамның сөзінен біледі, деп хабарлайды Almaty.news ақпарат агенттігі.
Бірнеше сағаттан кейін қыздың мәйіті табылды. Ресми нұсқа бойынша, ол төртінші қабаттың терезесінен құлап кеткен. Алайда анасы өлім жағдайында сәйкессіздіктер бар екенін алға тартады: қызының денесінде жарақаттар болған, ал пәтерден қанға боялған сырғалар табылған. Сондай-ақ, Вероника құлау кезінде ноутбукті қолында ұстаған деген күдік бар.
Любовь Соколова қызын тірідей соңғы рет көрген ер адам жанжал болғанын айтып, қыздың телефонын алғанын мәлімдеген.
Бірнеше сот талқылауынан кейін іс жабылды, бірақ анасы оны қайта қаратуға қол жеткізді. Қазір полиция өзін-өзі өлтіруге дейін жеткізу фактісі бойынша сотқа дейінгі тергеу жүргізіп, мобильді телефонға қатысты өз бетінше билік ету мүмкіндігін тексеруде.
Полиция сот-медициналық және сот-биологиялық сараптамалар тағайындалғанын хабарлады. Қайтыс болған қыздың анасы істе басқа адамдардың да болуы мүмкін екенін айтады. Оның сөзінше, пәтерден төрт адамның саусақ іздері табылған, ал қызының киімі мен фото-бейнежазбалары сияқты материалдардың бір бөлігі істен жоғалған.
Дереккөз: Zakon.kz