Алматыда қаланың жаңа Бас жоспарын стратегиялық экологиялық бағалауға арналған қоғамдық тыңдаулар өтіп жатыр, деп хабарлайды Almaty.news ақпарат агенттігі қалалық әкімдіктің баспасөз қызметіне сілтеме жасап.
Қатысушылар мегаполистің экологиялық бағдарланған даму сценарийін, Әл-Фараби даңғылынан оңтүстіктегі тау бөктерінде күрделі құрылысқа тыйым салуды, Іле-Алатау ұлттық паркі аумағын қорғау режимін сақтауды, сондай-ақ ауа сапасын бақылау желісін кеңейтуді талқылауда.
Ұсынылған ұсыныстар бойынша, атмосфералық ауаны бақылаудың стационарлық бекеттерінің санын 50-ден астамға дейін арттыру жоспарлануда.
Ұйымдастырушылардың атап өтуінше, стратегиялық экологиялық бағалау қаланы дамытуды жоспарлау кезеңінде қоршаған ортаға әсерді ескеруге мүмкіндік береді және Алматының жаңа Бас жоспарын дайындаудың маңызды бөлігі болып табылады.
Дереккөз: Inalmaty.kz