Алматыда полиция қызметкерлері Mercedes маркалы автокөлікті тоқтатып, оның ішінен қаруға ұқсас заттарды тауып алды, деп хабарлайды Almaty.news ақпарат агенттігі Nur.kz-ке сілтеме жасап.
Алматы қалалық Полиция департаментінің Instagram-парақшасында хабарланғандай, 45 жастағы жүргізушінің көлігінің багаж бөлімінен құрылымы жағынан қару мен арнайы құралдарға ұқсас заттар табылып, алынды.
«Осы факті бойынша қылмыстық іс қозғалды. Алынған заттардың шығу тегі мен мақсатын анықтау үшін сот-баллистикалық сараптама тағайындалды», — деп мәлімдеді полиция.
Қазіргі уақытта қажетті тергеу амалдары жүргізілуде.
Дереккөз: Nur.kz