Бүгін, 11 тамызда, Алматыда аздаған жаңбыр жауады деп күтілуде. Күндіз ауа температурасы +35 градусқа дейін көтерілсе, түнде +24 градусқа дейін төмендейді. Жел жылдамдығы секундына 7,5 метрді құрайды, деп хабарлайды Almaty.news ақпарат агенттігі.
Синоптиктер Астана, Алматы және Шымкент қалаларында бүгін, 11 тамызда күтілетін ауа райы болжамын жариялады. Болжам OpenWeather порталында жарияланған.
Астана тұрғындарына ашық аспан болжанып отыр. Күндіз ауа +37 градусқа дейін жылыса, түнде температура +21 градусқа дейін төмендейді. Жел жылдамдығы секундына 7,7 метрді құрайды.
Шымкентте бүгін де жауын-шашынсыз ауа райы күтіледі. Күндіз термометр бағандары +40 градусқа дейін көтерілсе, түнде +26 градусқа дейін төмендейді. Жел жылдамдығы секундына 5,1 метр деңгейінде болады.