Алматыда өткен тәулікте жол қозғалысы ережелерін бұзудың 2 061 дерегі тіркелді, оның ішінде 33 автокөлік айыппұл тұрағына жіберілді, деп хабарлайды Almaty.news ақпарат агенттігі.
Қала прокуратурасының баспасөз қызметінің мәліметінше, анықталған бұзушылықтардың ішіндегі ең қауіптілері 252-і — олар жол қозғалысына қатысушылардың өмірі мен денсаулығына жоғары қауіп төндірген.
Атап айтқанда, ең көп бұзушылық — қауіпсіздік белдігін тақпай жүру (128 факт), маневр жасау ережелерін сақтамау («шашки») — 68 факт, көлік құралын басқару кезінде ұялы телефонды пайдалану — 35 факт.
Анықталған бұзушылықтардың қатарында:
- қарсы бағыттағы жолаққа шығу — 9 факт;
- мас күйінде көлік басқару — 7 факт;
- жалған мемлекеттік нөмірмен жүру — 3 факт;
- басқару құқығынан айырылған адамның көлік басқаруы — 2 факт.
Сондай-ақ, мамандандырылған тұраққа 33 көлік құралы қамауға алынғаны атап өтіледі.