Алматыда өткен тәулікте жол қозғалысы ережелерін бұзудың 1789 дерегі анықталды, оның 186-сы жол қозғалысына қатысушылардың өмірі мен денсаулығына жоғары қауіп төндірді, деп хабарлайды Almaty.news ақпарат агенттігі.
Қала прокуратурасының Instagram-парақшасындағы мәліметке сүйенсек, ең көп бұзушылық — 69 жағдай — қауіпсіздік белдігін тақпауға қатысты. Тағы 61 дерек қауіпті маневр жасау, ал 29 жағдай рульде ұялы телефонды қолдану фактілері бойынша тіркелген.
Сонымен қатар, анықталған бұзушылықтардың қатарында:
• мас күйінде көлік жүргізу — 13 факт;
• қарама-қарсы бағыттағы жолаққа шығу — 10 факт;
• жалған мемлекеттік нөмірмен жүру — 3 факт;
• жүргізу құқығынан айырылған адамның көлік басқаруы — 1 факт.
Бұдан бөлек, 56 көлік құралы арнайы тұраққа қамауға алынды.
Дереккөз: Nur.kz