27 маусым 2026 жылы сағат 14:00-де Almaty Theatre концерт залында (әл-Фараби даңғылы, 30) республикалық «Бес Асыл» ұлттық өнер байқауы өтеді. Астана және Алматы қалаларының үздік айтыскерлері ақындар дәстүрлі сайысында өздерінің поэзиялық шеберліктерін көрсетеді, деп хабарлайды Almaty.news ақпарат агенттігі.
Кештің жүргізушісі – белгілі ақын, Қазақстанның еңбек сіңірген қайраткері Аманжол Альтай. Қазылар алқасының төрағасы – қазақ айтысының көрнекті қайраткері Журсін Ерман.
Республикалық «Бес Асыл» ұлттық өнер байқауы дәстүрлі айтысты насихаттауға, ұлттық мәдени мұраны сақтау мен дамытуға, сондай-ақ қазақ халқының рухани құндылықтарын нығайтуға бағытталған.
Өткізілетін күні: 27 маусым 2026 жыл
Уақыты: 14:00
Өткізілетін орны: Almaty Theatre концерт залы (әл-Фараби даңғылы, 30).
Дереккөз: Almaty.tv