Алматыда «Байқоңыр» метро станциясы уақытша жабылады. Шектеу 4 қазан күні сағат 20:30-дан 22:00-ге дейін созылады, деп хабарлайды Almaty.news ақпарат агенттігі.
Алматы метрополитенінің Instagram парақшасында жазылғандай, 4 қазан күні Орталық стадионда концерт өтетіндіктен, метро күшейтілген режимде жұмыс істейді.
Қала тұрғындарына «Байқоңыр» станциясының жұмысындағы шектеу туралы ескертілді.
«Осы уақыт аралығында «Байқоңыр» станциясына кіру мен шығу уақытша жабылады», — деп хабарлады метрополитеннің баспасөз қызметі.
Станция сағат 22:00-ден бастап метро жұмысы аяқталғанға дейін ашық болады.