Алматыда радиалды көшелерді Үлкен Алматы айналма автомобиль жолына (БАҚАД) дейін жалғастыру жұмыстары жалғасуда, деп хабарлайды Almaty.news ақпарат агенттігі.
Әкім Дархан Сатыбалдының төрағалығымен өткен кеңесте Тілендиев, Солтүстік айналма, Саин көшелері мен Рысқұлов, Абай даңғылдарын қала шекарасына дейін ұзарту бойынша жер учаскелерін сатып алу және жұмыс барысы қаралды. Келесі кезеңде бұл магистральдарды БАҚАД-қа дейін жеткізу жоспарлануда. Ақын Сара көшесі қала шекарасына дейін пробивкаланған және одан әрі дамытуға жатады.
Қала облыс аумағындағы жол учаскелерін салу бойынша міндеттемелер алды. Жобалық құжаттама дайындалып, тапсырылды, жер сатып алу жалғасуда. Жобаларды іске асыру әкімнің бақылауында, — делінген әкімдік хабарламасында.
Жобаны іске асыру кіреберіс магистральдар санын көбейтіп, Алматының қала маңы аймағымен және бүкіл агломерациямен көлік байланысын жақсартуға мүмкіндік береді.
Үлкен Алматы айналма автомобиль жолы (БАҚАД) 2023 жылдың 16 маусымында ресми ашылды, ал бір айдан астам уақыт өткен соң ақылы жүйе енгізілді. Трассаның ұзындығы 66 км. Жол Алматы облысының Қарасай, Іле және Талғар аудандары арқылы өтеді.
2021 жылы-ақ алты радиалды жолды — Абай мен Рысқұлов даңғылдарын, сондай-ақ Ақын Сара, Саин, Тілендиев көшелері мен Солтүстік айналманы пробивкалау жоспарлары туралы хабарланған болатын. Бұл жолдар Алматы жағынан БАҚАД-қа шығуды қамтамасыз етуі керек.
Бұған дейін Алматыдағы бірқатар магистральды көшелерді пробивкалауға 2026 жылы сегіз миллиард теңге бөлу жоспарланып отырғаны белгілі болды.
Сонымен қатар, Ахметов және Закарпатская көшелерін БАҚАД-қа дейін ұзарту және бірінші деңгейлі жауапкершіліктегі көлік айрығын салу бойынша жобалық-сметалық құжаттама әзірленуде. Бұл жоба іске асса, қаланы агломерациямен байланыстыратын жетінші радиалды жол болады.
2026 жылы Алматы облысында мемлекеттік қажеттіліктер үшін жер учаскелерін сатып алуға шамамен 5,8 млрд теңге қарастырылған. Аймақта бірқатар инфрақұрылымдық жобаларды іске асыру аясында жерлерді алу жоспарлануда, оның ішінде Қарасай және Іле аудандарында БАҚАД-қа алты радиалды жол салу, Алматы–Бішкек трассасындағы (км 24+750) «Подкова» жобасы, сондай-ақ Алматы метрополитенінің үшінші кезегі — «Қалқаман» станциясынан Қарасай ауданындағы «Барлық» базарына дейін.
Дереккөз: Inform.kz