Алматыда жедел жәрдем дәрігерлері босанған әйелге көмек көрсетіп, нәрестені қабылдады. Оқиға Шұғыла шағынауданындағы тұрғын үй кешенінің ауласында болды, деп хабарлайды Almaty.news ақпарат агенттігі.
Telegram-арнадағы мәлімет бойынша, Наурызбай ауданы Шұғыла шағынауданында әйел үй ауласында босануға мәжбүр болған. Көз жеткізгендердің айтуынша, жедел жәрдем көлігі шақырту орнына уақытында жете алмаған, себебі аула көліктермен толып кеткен.
Қалалық Қоғамдық денсаулық сақтау басқармасының хабарлауынша, жедел медициналық көмек қызметіне шақырту сағат 06:21-де түскен, ал бригада оқиға орнына 06:31-де жеткен.
Дәрігерлер келген кезде әйел босанудың белсенді кезеңінде болған. Салмағы 3 370 грамм қыз бала жедел жәрдем бригадасының арбасында дүниеге келіп, бірден айқайлады. Қиын жағдайға қарамастан, дәрігерлер босануды жедел қабылдап, ана мен нәрестеге қажетті көмек көрсетті, содан кейін оларды қалалық перинаталдық орталыққа жеткізді, онда көмек жалғастырылды, — деп мәлімдеді басқармада.
Қазіргі уақытта ана мен қыздың жағдайы тұрақты, олар өздерін жақсы сезінеді және мамандардың бақылауында.
Дереккөз: Nur.kz