Алматыда 25 жастағы Ерзат Егізбай жұмбақ жағдайда жоғалып кетті. Ол геодезистің көмекшісі болып жұмыс істеген, отбасында жанжал болмаған, деп хабарлайды Almaty.news ақпарат агенттігі.
Өткен сейсенбіде ол әдеттегідей жұмысқа шығып, үйге қайтпаған. Түс кезінде бастығынан дүкенге баруға рұқсат сұрап, автобусқа отырып, Еңбекшіқазақ ауданындағы Космос ауылына қарай кеткен. Дәл сол жерде оның телефоны соңғы рет белсенді болған, қазір өшірулі.
«Ерзат Райымбек даңғылындағы метроға түсіп, қарама-қарсы жаққа шығып, айналасына қарады. Бұл бейнебақылау камераларына түсіп қалған. Ол біреуді іздегендей болды. Автобусқа отырып кетті. Ішімдік ішпейді, темекі шекпейді, бес уақыт намазын оқиды. Деструктивті/діни бірлестіктерде тұрмайды», — деді анасы Талшы Құсайынова.
Жұбайының айтуынша, Ерзат ешқашан ескертусіз үйден кетпеген. Қылмыстық жауапкершілікке тартылмаған, есепте тұрмаған. Қазір оны туыстары, еріктілер және полиция іздеп жатыр. Полиция іздестіру ісін қозғады. Соңғы рет оны 19 мамырда құрылыс алаңынан шығып бара жатқанда көрген.
Дереккөз: Nur.kz