Алматы әкімдігінің баспасөз қызметі Медеу ауданында жылу маусымына дайындық аясында 1989 жылы пайдалануға берілген шамамен 350 метр жылу трассасын ауыстыратынын хабарлады, деп хабарлайды Almaty.news ақпарат агенттігі.
Осыған байланысты 2026 жылдың 13 шілдесінен бастап Самал-2 шағынауданындағы Мендіқұлов бульвары мен Достық даңғылы аралығындағы Снегин көшесінің учаскесінде көлік қозғалысы шектеледі.
Шектеу жолдың жүру бөлігінің астынан өтетін құбыр учаскесін жоспарлы қайта жаңарту жұмыстарының қауіпсіздігін қамтамасыз ету үшін енгізіледі.
Қайта жаңарту кезеңінде тұтынушыларға ыстық сумен жабдықтау сақталады.
Бұл жылу желісі 8 көппәтерлі тұрғын үй, 1 мектеп, 2 балабақша және 15 басқа нысан тұрғындарына жылу энергиясы мен ыстық сумен жабдықтауды қамтамасыз етеді. Уақытша қолайсыздықтарды түсіністікпен қабылдауларыңызды сұраймыз.
Дереккөз: Almaty.tv