...
... Алматы
USD—
EUR—
RUB—
Алматы жаңалықтары

Алматы жолдарында көліктердің шығарындыларын қозғалыс кезінде тексеретін жаңа датчиктер пайда болды

Алматыда көліктердің шығарындыларын қозғалыс кезінде анықтайтын OPUS RSE жүйесі іске қосылды, деп хабарлайды Almaty.news ақпарат агенттігі.

Экология және қоршаған ортаны қорғау басқармасы 2026 жылғы 19 қарашада бұл жүйе көлікті тоқтатпай-ақ шығарынды газдардағы ластағыш заттардың нақты деңгейін тіркейтінін мәлімдеді.

Өлшеулер екі апта ішінде 12 күнге жоспарланған. Орнату орындары күн сайын ауыстырылады, бұл жүйенің әртүрлі қозғалыс қарқындылығында жұмысын тексеруге мүмкіндік береді. OPUS өкілі техникалық сүйемелдеуді, жабдықты калибрлеуді және алынған деректерді тексеруді қамтамасыз етеді.

Сынақ қорытындысы бойынша мамандар автокөлік шығарындыларының деңгейін талдап, көрсеткіштерді халықаралық деректермен салыстырады және ластану деңгейі жоғары көлік құралдарын анықтау критерийлерін ұсынады.

Басқарма бұл жаңалықтың тек зерттеу сипатында екенін атап өтті.

Еске салайық, 2026 жылғы 6 қарашада Алматының Экология және қоршаған ортаны қорғау басқармасы қаладағы ауа ластануының негізгі көздерін атаған болатын. Жылдық ластағыш заттар шығарындыларының шамамен 60%-ы автокөлікке тиесілі.