Алматы тауында Мынжылқы үстіртіне сапар шеккен 66 жастағы шетелдік турист адасып, іздеу жұмыстары сәтті аяқталды. Құтқарушылар оның орналасқан жерін анықтады, деп хабарлайды Almaty.news ақпарат агенттігі.
Төтенше жағдайлар министрлігінің баспасөз қызметінің мәліметінше, Алматы қаласы ТЖД Құтқару қызметіне 20 шілдеде Мынжылқы үстірті ауданына жол тартқан және байланысқа шықпаған туристің жоғалғаны туралы хабарлама түскен.
Маршрутты нақтылау үшін құтқарушылар ҮСП-23 және Мынжылқы үстірті ауданында орналасқан бейнебақылау камераларының жазбаларын қарады. Іздеуге дереу құтқарушылар экипажы шықты. Маршрутты тексеру және туристерден сұрау барысында ер адам Кіші Алматы шатқалында, Шымбұлақ пен Мынжылқы үстірті арасындағы жолда табылды, — деді ТЖМ өкілдері.
Ведомствоның хабарлауынша, Ресей Федерациясының 66 жастағы азаматы медициналық көмекке мұқтаж болмаған. Құтқарушылар оны құтқару бекетіне дейін алып барған.
ТЖМ тауға шығар алдында маршрутты алдын ала жоспарлап, жақындарына болжамды жол мен қайту уақытын хабарлап, қажетті байланыс құралдарынсыз сапарға шықпау керектігін ескертті.
Дереккөз: Nur.kz