Алматы қаласының Мемлекеттік академиялық қуыршақ театры 2026 жылдың бірінші жартыжылдығында халықаралық театр фестивальдерінде Қазақстанды табысты таныстырды. Бұл туралы қалалық Мәдениет басқармасы хабарлады, деп хабарлайды Almaty.news ақпарат агенттігі.
Ең басты жетістік – Қазанда өткен «Шомбай-fest – 2026» халықаралық қуыршақ театрлары фестивалінде Гран-при жеңіп алу. Жоғары награданы «Ортеке» спектаклі алды.
Сонымен қатар, театр Румыниядағы Халықаралық Шекспир фестивалінде өнер көрсетіп, 2027 жылы тағы бір беделді театр форумына қатысуға шақырту алды. Сондай-ақ «BIKEN FEST» фестиваліне қатысып, 2027 жылы ТЮРКСОЙ ұйымдастыратын фестивальге қатысуға шақырту алды.
Дереккөз: Almaty.tv